எழுத்தாளர் திரு.பால் சுயம்பு எழுதிய 'இந்திய பொருளாதாரத்தை உயர்த்திய சாஷே புரட்சியின் தந்தை சின்னிகிருஷ்ணன்' என்கிற நூல் வாசிக்கக் கிடைத்தது.

திரு.சின்னிகிருஷ்ணன் அவர்களது வாழ்க்கையையும், அவரது பணியையும் சிறப்பித்துக் கூறுவதை மட்டும் நோக்கமாகக் கொள்ளாமல், மற்றவர்களுக்கு வழிகாட்டும் நூலாகவும் இந்நூலை எழுத்தாளர் திரு.பால் சுயம்பு அவர்கள் உருவாக்கித் தந்திருப்பது போற்றத்தக்கது.

வருங்கால தொழில்முனைவோருக்கான வழிகாட்டியாக விளங்கத் தகுந்ததாக உள்ள இந்நூலை பலரும் படித்து பயன்பெற எனது அன்பான வாழ்த்துகளை தெரிவித்துக் கொள்கிறேன்.

ந.ரங்கசாமி
முதலமைச்சர்
புதுச்சேரி அரசு

"இந்தியப் பொருளாதாரத்தை உயர்த்திய 'சாஷே'புரட்சியின் தந்தை சின்னிகிருஷ்ணன்" என்ற நெடுந்தலைப்பைக் கொண்ட இந்த நூல் வளரத்துடிக்கும் தொழில் முனைவோர்க்குச் சிறந்த வழிகாட்டியாக விளங்குகிறது.

படிப்போர்க்குப் பேரார்வத்தையும், செயலாற்றலையும், மனவலிமையையும் தரக்கூடிய இந்தப் புத்தகம் ஓர் அழகிய குடும்பத்தின் வாழ்க்கைச் சரிதையாகவும் திகழ்கிறது.

குடும்பத்தின் தலைவன்- தலைவி சரியாக இருந்து தம்பதிகள் கருத்தொருமித்து வாழ்ந்து, பிள்ளைகள் வளர்ப்பும் நேர்த்தியாக இருந்தால் அது அக்குடும்பத்தினர்க்கு மட்டுமல்ல, சமூகத்துக்கும் எவ்வளவு நன்மை நல்கும் என்பதை இந்நூல்வழி உணரலாம்.

இந்த நூல் முழுவதும் தொழிற் சிந்தனையை ஊக்கப்படுத்தும் பல்சுவைத் தகவல்கள் அற்புதம்.

வாசிப்பிற்கு இலகுவாக இயல்பான நடையில் செயற்கைப் புனைவின்றி எழுத்துவடிவம் தந்த பத்திரிகையாளர் திரு.பால் சுயம்பு பாராட்டுக்குரியவர்.

ஒரு படைப்பு என்பது சமூகத்திற்குப் பயன் தருவதாய் இருக்கவேண்டும். ஒரு தனி மனிதன் முயற்சி சமூகத்தை நோக்கியதாக இருக்க வேண்டும்.

வசதியான குடும்பத்தில் பிறந்தாலும் திரு.சின்னிகிருஷ்ணன் அவர்களின் கவனமும், சிந்தனையும், அக்கறையும் எளிய மக்கள் மீதே இருந்தன என்பதை நூலின் பல இடங்களில் உணரமுடிகிறது.

கவிப்பேரரசு வைரமுத்து

முப்பத்தைந்து ஆண்டுகளுக்கு முந்தைய அந்தப் பழைய நாட்கள், என் நினைவுகளில் பசுமையாக நிழலாடுகின்றன. நான் அப்போது கோத்ரெஜ் நிறுவனத்தின் சென்னை ஏரியா மேனேஜர். சுழன்றடித்து பணிசெய்துகொண்டிருந்த அந்த வாலிபப் பருவத்தில், பளபளப்பான வெல்வெட் சாஷே ஷாம்புவும் எங்கள் வினியோக சங்கிலிக்குள் வந்தது. அந்த நாட்களில் வெல்வெட் ஷாம்பு ஆச்சரியமாகவும், அதிசயமாகவும் பார்க்கப்பட்டது.

இந்தப் புத்தகம் தொழில்முனைவோர்களுக்கு சிறந்ததொரு வழிகாட்டி. புதிதாகத் தொழில் தொடங்குவதற்குத் தேவைப்படும் மூலதனம் எது? என்ற கேள்விக்கு, “ஏழைகள் மீது பற்றுகொண்ட இதயமும், ஏழைகளுக்காகச் சிந்திக்கும் மூளையும், இந்த சமூகத்திற்கு நல்லது செய்யவேண்டும் என்ற எண்ணமுமே மிக முக்கியமான மூலதனம்" என்று விளக்கங்களோடு, இந்த புத்தகத்தில் சொல்லப்பட்டிருக்கிறது. எங்களைப் போன்று சமூக அக்கறை கொண்ட தொழில்முனைவோர் அனைவருமே, அந்த உண்மையை அப்படியே ஏற்றுக்கொள்வோம்.

எழுத்தாளர் பால் சுயம்பு அபூர்வ தகவல்களைச் சேகரித்து, இந்தப் புத்தகத்தை அற்புதமாகப் படைத்திருக்கிறார். சமூக அக்கறை கொண்டவர்களாக வாழ விரும்புகிறவர்களும், தொழில்முனைவோராகும் சிந்தனை கொண்டவர்களும் இந்தப் புத்தகத்தை வாசிக்கவேண்டும் என்பது என் அன்பான வேண்டுகோள்!

ஏ.டி.பத்மசிங் ஐசக்
நிறுவனர்: ஆச்சி உணவுக் குழுமம், சென்னை.

My thanks and appreciation to my friend Paul Suyambu for presenting this book in a flow of words that's simple and gripping.I am sure this book will not disappoint you!



Dr.CK ASHOK KUMAR
Founder
First World Community
www.firstworldcommunity.org